Рус
En
By

Адрас: 247710, г. Калінкавічы,
пл. Леніна, 1

Е-mail: mailrik@kalinkovichi.gov.by

Тэлефон: 8 (02345) 4 21 40;  факс : 8 (02345) 3-17-12

Плошча імя У.І.Леніна Чыгуначны вакзал Белаграпрамбанк Помнік 125-годдзю Палескай чыгункі Фонд сацыяльнай абароны насельніцтва Воінскае пахаванне вул. Куйбышава Гарадскі парк Калінкавіцкі раённы выканаўчы камітэт Храм іконы Свята-Казанскай Божай Маці
Плошча імя У.І.Леніна

Навіны раёна

5 жніўня 2020

Есць першы экіпаж-тысячнік!


IMG_6258

Як і ў мінулым годзе, першым запаветную тысячу тон збожжа намалаціў камбайнерскі экіпаж з ААТ «Прудокскае». А першым камбайнерам-тысячнікам гэтага жніва ізноў стаў Сяргей Варабей.

IMG_9261

 

Аднак сёлета склад яго экіпажу кардынальна памяняўся: экіпаж стаў сямейным. На гэтым жніве Сяргею Андрэевічу дапамагае яго жонка Святлана, якая ў звычайны час працуе выхавацелем у Юравіцкім дзіцячым садку.

 

— Зараз я ў адпачынку. Вось і вырашыла пастрабаваць сябе ў якасці памочніка камбайнёра, — усміхаецца Святлана Віктараўна. – Гэта, скажу вам, нялёгкая справа, але Сяргей кажа, што ў мяне добра атрымліваецца. У нас двое дзетак. Зараз іх даглядае бабуля.

IMG_6178

Рубеж у тысячу тон збожжа Сяргей са Святланай на камбайне КЗС-1218 пераадолелі 2 жніўня. На раніцу 3 жніўня на іх рахунку было ўжо 1044 тоны намалочанага збожжа.

Сяргей Варабей хлебаробскую працу пачаў засвойваць яшчэ ў школьныя гады. У час жніва быў памочнікам у свайго бацькі Андрэя Вараб’я. Неаднаразова іх экіпаж на рарытэтным камбайне «Ліда-1300» станавіўся лідарам раённага спаборніцтва. Па прыблізных падліках гэта ўжо, мабыць, сямнаццатае, а то і больш жніво маладога механізатара.

IMG_6205

Уборку збожжа новага ўраджая ў гаспадарцы распачалі 8 ліпеня. Вось і лічыце, каб дасягнуць запаветнай лічбы, Сяргею і Святлане спатрэбіўся амаль месяц паўсядзённай напружанай працы.

Як расказаў кіраўнік ААТ «Прудокскае» Сяргей Ярасевіч, на жніве ў гаспадарцы працуе чатыры экіпажы. Жыта ўжо змалацілі. Ураджайнасць склалася добрая — 25 ц/га. Зараз надыйшла чарга ячменя. Ёсць яшчэ авёс, пшаніца, трыцікале. Усяго ўборцы ў гэтай гаспадарцы належыць 1600 га. На 3 жніўня 70% плошчаў было ўжо ўбрана, намалочана 2550 т зерня.

IMG_9246

Павіншаваць прудокскіх хлебаробаў з вытворчым дасягеннем на поле «Вялікая ніва» прыехала цэлая дэлегацыя на чале з кіраўніком раёна Сяргеем Гваздзём.

IMG_6182

Сяргей Аляксандравіч адразу адзначыў, што яму вельмі прыемна другі год запар дзякаваць за сумленную працу гэтаму экіпажу, а ўдвая прыемна, што на гэты раз гэта дасягненне такой прыгожай сямейнай пары.

— Вы – прыклад для пераймання, — Сяргей Гвоздзь выказаў упэўненасць, што экіпаж не спыніцца на гэтай лічбе.

IMG_6200

Кіраўнік раёна сказаў шчырае чалавечае дзякуй і усім астатнім хлебаробам ААТ “Прудокскае” за іх якасную і выніковую працу. А потым выканаў ганаровую місію – уручыў Сяргею і Святлане Варабей Падзячныя пісьмы райвыканкама.

IMG_6211

Прымалі камбайнеры ў той дзень віншаванні, Падзячныя пісьмы і каштоўныя падарункі і ад старшыні райкама прафсаюза работнікаў АПК Галіны Нікулінай. Галіна Арсеньеўна ад усёй душы падзякавала хлебаробам і пажадала ім не зніжаць планку, узнятую да такога ўзроўня, заўжды быць прыкладам у працы.

IMG_6187

Віншаванні прымаў і вадзіцель гаспадаркі Міхаіл Лышчанка, якому ў той дзень да запаветнай тысячы заставалася перавезці менш чым 100 тонн збожжа новага ўраджаю.

IMG_9272

Падарункі ад райкама прафсаюза АПК атрымалі не толькі ўсе камбайнерскія экіпажы і вадзіцелі на адвозцы, але і маладыя спецыялісты гэтай гаспадаркі.

Шчырыя словы ўдзячнасці за працу і віншаванні прагучалі і з вуснай кіраўніка гаспадаркі Сяргея Ярасевіча, а таксама старшыні прафкама Веры Гаркушы.

Ну, а добры настрой хлебаробам стваралі народны калектыў мастацкай самадзейнасці «Бярозаўскія пералівы» і артысты Калінкавіцкага Дома культуры.

IMG_6249

Таццяна КАПІТАН.

Фото Мікалая БАРЫСЕНКІ.

Партал інфармацыйнай падтрымкі экспарту
Мэта99
Ганарымся, што навучылі
Беларуская натарыяльная палата
Дзяржаўны пагранічны камітэт
АДР
Землеўпарадкавальная служба
Памяць (спіс землякоў, загінулых у гады Вялікай Айчыннай вайны)
Гомельаблмаёмасць
Інтэрнэт-рэсурсы