Навіны вобласці

Пяць студэнтаў прадстаўляюць Беларусь на чэмпіянаце свету па інтэлектуальных відах спорту

Мінск /Кар. БЕЛТА/. Беларуская каманда прымае ўдзел у чэмпіянаце свету сярод студэнтаў па інтэлектуальных відах спорту (шахматы і брыдж). Такая інфармацыя размешчана ў Telegram-канале Міністэрства адукацыі, паведамляе БЕЛТА.

"У чэмпіянаце па шахматах прымаюць удзел звыш 400 удзельнікаў з 32 краін. Беларусь прадстаўляюць студэнты Беларускага дзяржаўнага ўніверсітэта фізічнай культуры Вячаслаў Зарубіцкі, Яна Ільючык, Міхаіл Нікіценка, а таксама студэнты Гомельскага дзяржаўнага ўніверсітэта імя Ф.Скарыны Максім Іваннікаў і Беларускага дзяржаўнага ўніверсітэта Аляксей Краміч", - расказалі ў ведамстве.

Чэмпіянат прадоўжыцца да 30 кастрычніка на анлайн-платформах.

www.belta.by