Навіны рэспублікі

Цукровыя буракі ў Беларусі ўбралі амаль з 80 працэнтаў плошчаў

Мінск /Кар. БЕЛТА/. Цукровыя буракі ў Беларусі ўбралі з 65,4 тыс. га, што складае 79,3 працэнта ўборачнай плошчы, паведамляе БЕЛТА са спасылкай на аператыўную інфармацыю Міністэрства сельскай гаспадаркі і харчавання.

Паводле даных на 2 лістапада, сабрана 3,105 млн т цукровых буракоў пры сярэдняй ураджайнасці 475 ц/га. Цукрыстасць буракоў складае 16,25 працэнта. Што датычыцца іншай агародніны, беларускія аграрыі правялі ўборачныя работы на 5,28 тыс. га (88,1 працэнта ад плана), сабрана 133,9 тыс. т пры ўраджайнасці 253,8 ц/га.

Кукурузу ўбралі з 1,071 млн га (87,9 працэнта запланаванай плошчы). На сілас і зялёны корм убрана 947,6 тыс. га (94,3 працэнта плана), сабрана 22,093 млн т зялёнай масы пры ўраджайнасці 233,2 ц/га. Уборка кукурузы на зерне таксама прадаўжаецца: работы праведзены на 123,6 тыс. га (57,8 працэнта плана), намалочана 859,1 тыс. т.

Усяго па краіне намалочана 8,918 млн т збожжа разам з кукурузай пры сярэдняй ураджайнасці 38,5 ц/га (у 2019 годзе ўраджайнасць на аналагічную дату складала 34,4 ц/га). У Мінскай вобласці сабралі 2,2 млн т збожжа, у Гродзенскай - 1,7 млн т, Брэсцкай - 1,5 млн т, Магілёўскай - 1,2 млн т, Віцебскай - звыш 1,1 млн т, Гомельскай - больш за 1 млн т.

У Беларусі нарыхтавана 13,728 млн т сенажу (108,9 працэнта) і 18,981 млн т сіласу (99 працэнтаў). Усяго ў гэтым годзе планавалася атрымаць 9,3 млн т кармавых адзінак травяных кармоў. Да гэтага часу нарыхтавана 101,6 працэнта плана.

www.belta.by