Рус
En
By

Адрес: 247710, г.Калинковичи,
пл. Ленина, 1

Е-mail: mailrik@kalinkovichi.gov.by

Телефон: 8 (02345) 4 21 40;  факс : 8 (02345) 3-17-12

Площадь им. В.И.Ленина Храм иконы Свято-Казанской Божьей матери Фонд социальной защиты населения Белагропромбанк Воинское захоронение ул.Куйбышева Памятник 125-летию Полесской железной дороги Городской парк Железнодорожный вокзал Калинковичский районный исполнительный комитет
Площадь им. В.И.Ленина

Новости района

9 августа 2019

Першыя тысячнікі Калінкавіцкага раёна прымалі віншаванні ў полі

т7Сёлета складаныя ўмовы надвор’я паўплывалі на тое, што не толькі ў нашым раёне, але і ў іншых раёнах вобласці толькі лічаныя экіпажы сталі тысячнікамі. Па стане на 7 жніўня ажно 14 камбайнерскіх экіпажаў намалацілі па 500 і больш тон збожжа.

т11

Да з’яўлення першых тысячнікаў прафсаюз АПК выязджаў у поле, каб павіншаваць лідараў раённага спаборніцтва, тых, хто сёння з’яўляецца правафланговым у бітве за ўраджай. У ліку тых, пра каго мы ўжо пісалі, быў і экіпаж “Э/б Ліпава” у складзе Алега Брухацкага і Сяргея Грушэцкага. На 7 жніўня яны намалацілі звыш 720 тон збожжа. Больш 550 тон на рахунку экіпажаў у складзе Васіля Даўгуненкі і Васіля Зайчанкі, а таксама Віктара Горбача і Уладзіслава Зайца. Звыш 720 тон збожжа ад камбайнаў перавёз і вадзіцель гаспадаркі Сяргей Зайчанка. З дасягеннямі хлебаробаў гаспадаркі павіншавалі старшыня райкама прафсаюза работнікаў АПК Галіна Нікуліна і старшыня прафкама гаспадаркі Галіна Пузырэнка. Яны выказалі ўдзячнасць і сем’ям перадавікоў за падтрымку і разуменне важнасці той справы, якой яны займаюцца.

т8

Але з дня на дзень мы чакалі іншага моманту – з’яўлення экіпажа-тысячніка, а таму ўважліва сачылі за зводкайлідараў раённага спаборніцтва на жніве. Былі ўпэўнены, што першымі запаветную тысячу тон збожжа намалоціць камбайнерскі экіпаж з ААТ “Прудокскага” у складзе Сяргея Вараб’я і Пятра Горвата. 750 тон, 826, 860, 939… Штораз нябесная канцылярыя ўносіла свае карэктывы ў работу хлебаробаў. Але, як кажуць, той дзень надышоў!

т13

Рубеж у тысячу тон збожжа Сяргей Варабей і Пётр Горват на новенькім камбайне КЗС-1218 пераадолелі 7 жніўня. На раніцу 8 жніўня на іх рахунку было 1022 тоны збожжа. Толькі вось дажджы зноў прыпынілі іх работу.

т6

Жніво ў гаспадарцы пачалі 6 ліпеня. Вось і лічыце, што, каб дасягнуць запаветнай лічбы, хлопцам спатрэбіўся месяц паўсядзённай напружанай працы. А калі ўлічыць, што за гэты месяц у іх было 15-20 паўнавартасных працоўных дні, то цалкам верагодна, іх дасягненне магло быць куды больш важкім.

т4

Павіншаваць хлебаробаў з вытворчым дасягеннем на поле каля вёскі Муціжар, дзе яны ўбіралі авёс, прыехала цэлая дэлегацыя на чале з кіраўніком раёна Сяргеем Гваздзём. Сяргей Аляксандравіч адразу адзначыў, яму прыемна паціскаць руку ідзякаваць за сумленную работу экіпаж, які першым у нашым раёне намалаціў тысячу тон збожжа, але ўдвая прыемна, што гэта дасягненне маладых камбайнераў. “Калі наперадзе моладзь, гэта здорава і вельмі добра, – адзначыў старшыня райвыканкама. – Гэта дае падставы гаварыць пра тое, што хлебаробская справа ў пашане. Вы – прыклад для іншых”. Сяргей Гвоздзь выказаў упэўненасць, што экіпаж не спыніцца на гэтай лічбе і набярэ яшчэ больш збожжа. Кіраўнік раёна сказаў шчырае чалавечае дзякуй хлебаробам за такую якасную і выніковую працу.

тыс1

Сяргей Гвоздзь выканаў таксама ганаровую місію – павязаў Сяргею Вараб’ю і Пятру Горвату, а таксамамаладзёжнаму экіпажу ў складзе Дзмітрыя Мацыя і Сяргея Шамянказ гэтай жа гаспадаркі, які на працягу жніва з’яўляецца нязменным лідарам сярод маладзёжных экіпажаў і намалаціў ужо звыш 600 тон збожжа, стужкі з надпісам “Пераможца спаборніцтва”, уручыў Падзячныя пісьмы райвыканкама і каштоўныя падарункі.

т10

Прымалі камбайнеры ў гэты дзень віншаванні, Падзячныя пісьмы, каштоўныя падарункі і ад першага намесніка старшыні райвыканкама-начальніка ўпраўлення сельскай гаспадаркі і харчавання Івана Дзядзюлі і старшыні райкама прафсаюза работнікаў АПК Галіны Нікулінай. Іван Дзядзюля падзякаваў камбайнерам за тое, што насуперак складаным умовам надвор’я яны ўсё-такі набралі тысячу тон збожжа. Галіна Нікуліна, у сваю чаргу, пажадала хлебаробам не зніжаць планку, узнятую да такога ўзроўня і быць прыкладам у рабоце заўсёды.

т9

т3

Словы ўдзячнасці за працу і віншаванне з высокім намалотам прагучалі і з вуснай кіраўніка гаспадаркі Сяргея Ярасевіча. Па-мацярынску чулыя словы ў адрас хлебаробаў сказала старшыня прафкама гаспадаркі Вера Гаркуша, выказаўшы шчырую ўдзячнасць бацькам і сем’ям экіпажа-тысячніка і маладзёжнага экіпажа.

т2

Падзячныя словы і найлепшыя пажаданні прагучалі ў адрас перадавікоў жніва і ад грамадскіх аб’яднанняў БРСМ і “Белая Русь”. Першы сакратар РК БРСМ Таццяна Аргунова-Века ўручыла падарункі Дзмітрыю Мацыю і Сяргею Шамянку, сакратар РА “Белая Русь” Таццяна Смеян – экіпажу-тысячніку і маладзёжнаму экіпажу.

т12

Ну, а добры настрой хлебаробам і гасцям свята стварыў народны мастацкі калектыў “Бярозаўскія пералівы” пад кіраўніцтвам Паліны Лапацік.

т1

тыс2

 

http://www.knews.by


Опрос
Какие у Вас возникают проблемы в работе жилищно-коммунального хозяйства?














Гомельобимущество
Телефоны горячей линии
XVI Гомельский экономический форум  24 мая 2019
Землеустроительная служба
веб-портал ЕГР
Белорусская нотариальная палата
Государственный пограничный комитет
Портал информационной поддержки экспорта
Цель99
Гордимся, что научили
Интернет-ресурсы